
رواية لانني فقيره الفصل الثالث 3 بقلم شوشو محمد
خلصو الماتش ريان عاين لي ايان
ريان : حتجي الفيلا ولا حتقعد في الشقه دي
ايان : بجي بكره
ريان هو بقوم وطلع وحته م ودع ايان وايان م اشتغل بيه قفل الباب وققل الانوار ومشى اتخمد
....................
رجع الفيلا لقاها صانه كالعاده دخل غرفتو غير ملابسو لي هدوم مريحه ونزل بكل هدو عمل ليه حاجه ياكل وكوبايه قهوه سودا وقعد في الصفره وبقى ياكل لحدي م خلص شال الصحانه المطبخ وشال باقي كوبايه القهوه وطلع الجنينه بقى يعاين للقمر وبيفكر في حياتو التعيسه الحرفيا من الشغل الى البيت وهكذا تم باقي قهوتو وقام دخل غرفتو فتح اللابتوب وقعد يشتغل فيه لساعتين عشان يشغل نفسه من التفكير بعد حس بالنعاس قفل ورقد السرير مسك التلفون لقاها الساعه 5:15صباحا قفل التلفون ونام بتعب
.......................
كالعاده حنان جات صحت بناتها للفجرر بيان قامت استحمت واتوضت ولقت كالعاده امها واختها منتظرنها صلو جماعه الفجر بعداك قعدو يقرو قران لحدي الصباح اصبح بيان مشت لبست ليها فستان ابيض كدا بسيط مع طرحه بيضه جكت اسود طلعت لقت امها مجهزه ليها الفطور والشاي ابتسمت ليها واكلت وشربت وطلعت بسرعه بعد م ودعت امها وركبت المواصلات واتحركت على الكشك وهي كلها امل مشت فتحت الكشك وبدت تشتغل زي كل يوم
.......................
صحا من النوم وبسرعه اتجهه على الحمام يستحمى يحاول يخفف عنو التوتر اليله ناوي يلاقي بيان بكل الطرق حته ولو اختها م ورته حيعرف بطرقو طلع من الحمام سمع تلفونو يضرب اتجهه عليه ابتسم لمن شاف الاسم
ايان بهزار: اوووه جيلوو بتاع المصالح
جيلو بهزار: اوه ايان المتعجرف الجاء السودان
ايان بغيظ : يعني انت وريان م حتبطلو تراقبوني
جيلو بضحك: انا م براقبك انا ريان بوريني
ايان بغيظ: اها العصفوره كلمتك
جيلو ضحك فيه وقعدو يتونسو واتفقو انو يتلاقو بعداك قفلو وايان رجع يتم لبسو
........................
كان بعاين لتلفونو بكل برود وهو بسمع السكرتيره بتوري الااجتماعات
السكرتيره: عندنا اجتماع ف مطعم ******الساعه
ريان هز ليها راسه وحرك ليها يدو نظام اطلعي (ابو وقحاتك يراجل🌞) وفك التلفون ومسك اللابتوت وبدا يشتغل لحدي م جاء وقت الاجتماع في المطعم لبس جكت البدله بتاعتو وطلع من البدله بكل برود واتحرك تحت نظرات الموظفين المعجبه الكاررهه لبرودو طلع وبدون م يهتم لنظراتهم
....................
بنان جات لقت اختها قاعده تشتغل لسه
بنان ببسمه: يديك العافيه معلم واحد كوبايه كابتشينو لوسمحت
بيان بضحك: حاضر معلم نديك احلى كوبايه شاي بلبن
بنان ضحكت فيها وبقت تراقب بيان وهي بتتم الطلبات لحدي م خلصت وسلمته الشغل
بنان : حتعملي شنو؟
بيان: حارجع افتش لي شغل تاني
بنان : ان شاء الله تلقي
بيان ابتسمت ليها ودعت واتحركت تفتش على شغل تاني
.......................
خلص لبسو وكان طالع سمح سماحه كان لابس بنطلون جينز وبلوزه بيضا مظهره عضلاتو وسماحتو عاين لروحو بعجرفه واتريح بريحتو واتحرك الى الكشك على امل انو يلقاء بيان نزل واتحرك اول م بنان رفعت راسها وانتبه انو دي م بيان صرر وشو
ايان : انتي ي استاذه وريني وين القاء بيان
بنان باستفزاز: وعليكم السلام استاذ ايان
ايان ببرود متجاهله : وين بيان قبل م اقفل الكشك ف راسك وانتي عارفه اني بقدر
بنان بغيظ : انت ي ود اعماء شايف بيان قاعده هنا
ايان : انتي عارفه مكانه
بنان بغيظ وغضب: انت عايز منها شنو يعني بعد العملتو دي عايز ترجع حياتها انت مجنون ي استاذ
ايان بغضب: انا بحبها ونادم على العملتو
بنان بضحك وعصبيه: انت بتحب انت اناني ومتعجرف وشايف روحك عشان انت عندك قروش
ايان سكت كلامها وجعه لكن دي منو التقول كلام زي كدا لي ايان النور عاين ليها ببرود وناوي ينتقم منها بطريقتو اتحرك من قدام بنان الحست بالزنب من كلامها ليه حست انها قست عليه لكن اتزكرت دموع اختها م اشتغلت بالموضوع كتير ورجعت تشتغل
........................
طلعت من كم مطعم بعد قالو ليها الا بشهاده تعبت وهي بتفتش وكل شويه تدعي الله انه تلقى شغل حتى ولو تنضف واثناء ما هي ماشه عربيه فخممه وقفت قدامها ونزل منها زول م كانت عايزه تلاقيه
بيان بصدمه:اياان
استووووووب🤭💗
تتوقعو بيان وايان اتلاقو ؟
ومنو جيلو ده الدخل في القصه ده
بنان هل قست على ايان؟...