
رواية لانني فقيره الفصل الرابع 4 بقلم شوشو محمد
عاينت ليه بصدمه من وجودو اما هو دخل المطعم ووراه السكرتيره وبيان زي الكشحو فيها مويه وهي بتشوف في وجودو
**Flash back**
بيان ببكاء: عليييك الله ي ايان اناا م سويت ليك شي لي عملت فيني كدا
ايان بكرره وقرف وهو بلزها لدرجه وقعت فالارض
ايان بكرهه: انتي م من مستواي ولا عمرك حتصلي لي مستواييي ي بيان انا اكترر شي بكرهووو فالحيااه الفقراء وانتي مقرفه لولاي كان طردوك من الجامعه
بيان بصدمه من كلامو وللمره التانيه في حياتها تتكسر كسره عمرها م ترجع اول شي ابوها سابهم وتاني شي اول راجل في حياتها طلع حقيييير
بيان وهي بتقوم من الأرض وبتعاين الناس الشمتانين فيها وبضحكو فيها
ايان بصوت عالي: اعزائي المشاهدين طبعاا انا ايان النوررر ارتبط مع الفقيره دي بسبب واحد وهو تحدي مع اصحابي م اكتر لكن عمري م برتبط مع وساخه زي دي عندها لبستين بس
ضحكو لكلاموو وبيان بتعاين ليه بكسره وقلب محطم وشالت شنطته من الارض بكل م تبقى من كرامتها وطلعت من الجامعه تحت انظار الناس نصه مشفقه ونصها التاني شفقان اما ايان بقى يراقب في بيان وهي بتتحرك وبتزكر في ذكراياتهم مع بعض ولاول مره قلبو يالمو حس بروحو بتنسحب حس انو عمل غلطه كبييره حسس انه بجد بحب بيان
**Back**
بيان دموعه نزلت بقهرر وهي بتراقب فيه دخل المطعم وقعد وكانت بتراقبه من قزاز المطعم وشايفه بتعامل مع ناس عاينت ليه بكرره على قدر م حبتو كرهتو اتزكرت اول مره اعترف ليها فالجامعه وقدام الناس واهداها هديه غاليه كانت اسعد انسانه حبت من كل قلبها شافته غير اي راجل بس هو عمل شنو حطمها وزي م اعترف ليها قدام العالم كسرها وزلاها قدام العالم اتحركت من المطعم شويه بعد شافتو خلص اجتماعو ولبس نضارتو وطلع من المطعم وركب عربيتو واتحرك بدون م يهتم لي اي زول بيان عاينت ليه بكسره ومشت جوا المطعم سالت النادله
بيان : بعد اذنك بتعرفي الكانو قاعدين ديل منو؟
النادله بحب سري لريان: ايوا ده صاحب اكبر شركه فالعالم وعاملين اجتماع هنا وعندو فيلا سمحححه سماحهه هنا
بيان وهي شايفه حب البت لي ايان الهو ريان بس م عارفه انو عندو توام: طيب وين ساكن
البت بهيام : ساكن الشارع الوار حيث الفيلات السمحه حتلقي اسمح فيلا فيهم دي حقتتو
بيان عاينت ليها باستغراب وشكرته وطلعت استغفرت ربها
بيان لنفسها: ساله عنو ليه ي هبله بعد زلاكي قدام الناس صحي انا حماره
مزاجها قفل ميه وتلاتين درجه بعد شوفه ايان ( الي هو ريان) واتحركت مشت شافت ليها اقرب محل مواصلات وركبت واتحركت على البيت بكل قلب موجوع وزكريات الماضي وهي بترجع ليها مع ايان
.......................
كان براقب الكشك الكانت شغاله فيه بنان وشايفه شغاله فيه بكل حب وابتسامه
ايان بحقد : ابيتي توريني مكان بيان حخليكي تجي تتزلي لي
طلع تلفونو واتصل على رقم معيين
ايان: الو بكره الساعه تلاته العصر عايزك تجي تقفل لي الكشك في **********
سمع رد التاني وقفل وايان ابتسم بسمه حقيره ونسى انو ده رزق حبيبتو العايز يلقاها ويلاقيها
اما عند بنان خلصت من الكشك اخير
بنان بتعب: اههه ي ضهري اخيرا خلصت
نضفت المكان ورتبتو وبعداك قفلت المكان واتحركت على نحو المواصلات وركبت ليها اقرب مكان مواصلات وده كلو تحت نظرات ايان الساخره
ايان بعجرفه: حته المواصلات هنا مقرفه
واتحرك نحو الفيلا
......................
بعد خلص الاجتماع اتحرك لي الجيم بتاعو وكان الجيم من افخم الجيمات في السودان دخل بكل برود وغير ملابس لي شورت وكلم الراجل البشتغل انو يفضي ليه المكان وفعلا دقايق الراجل فضى ليه المكان ريان دخل قعد يتريض لمده تلاته ساعات بدون توقف خلص التمرين دخل حمام الجيم اخد ليه دش محترم ولبس هدومو واتحرك نحو الفيلا دخل لقى اخوه قاعد وشايل ليه فشار وكولا وبيحضر في فيلم
ريان بسخريه: بعدين م تجي تنقنق انو بديت تسمن
وطلع وخلا ايان بعاين ليه بغيظ ولا اشتغل بيه تم فيلمو بمزاج
استوووووب🤭💗
عرفتو السواه ايان لي بيان وسبب كررههه بنان ليه
هل شايفين انو يستاهل بيان تسامحو؟..