
رواية لانني فقيره الفصل الثاني 2 بقلم شوشو محمد
على المغرب كدا بنان خلصت الشغل وقفلت الكشك ومزاجه قافل من ايان الدير يظهر في حياه اختها تاني قفلت ومشت انتظرت المواصلات بعد مسافه حته جات ركبت ودفعت وقعدت في الكرسي بقت تراقب فالشارع كانت مصدعه فضلت كدا لحدي م محطته جات نزلت ومشت جوا الحله والدنيا بدت تضلم بقت بتقرا في تحصينها لحدي م وصلت البيت دخلت سلمت على امها
بنان باستغراب: بيان م جات؟
حنان بقلق: لا لسه قلقتني
بنان بتحاول تطمن امها: م تخافي ايمكن تكون لقت الشغل وخلوها تشتغل من اسي
حنان هزت راسها : امشي غيري وصلي لحدي م اغرف ليك الاكل
بنان قبل امها م تمشي : ماما
حنان قبلت عليها
بنان وهي بتطلع شي من جيبها وبتخت في يد امها
بنان ببسمه: ده القروش بتاعه الليله بكره امشي جيبي خضار وحاجات
حنان ببسمه: الله يرضى عليكم ي بناتي
بنان ابتسمت لي امها ودخلت الغرفه وشالت البجامه الغسلته ليها امها وطلعت ملت المويه بتاعته ودخلت اخدت دش وكل تفكيره في بيان اختها لو عرفت برجوع ايان
.........................
مضت ساعات وهي بتفتش ف شغل وللاسف ما لقت وماف زول راضي يشغله حست بالعجز قعدت ف اقرب كرسي جنبها وبقت تفكر في حياتها عايزه تخلي بنان تقرا الشهاده الثانوي على الاقل للاسف م قادره تعمل شي وبنان بعد كم شهر حتم ال19 سنه دموعه نزلت
بيان بتعب: يارب انا بحاول ي رب
استغفرت ربها ومسحت دموعه واتحركت تفتش ليها اي شي يوصلها البيت واثناء ما هي ماشه كان في عربيه دير تطقشه قبلت لقت عربيه فخمه وقبل م تتكلم بتاع العربيه اتحرك ولا كانو ماشي يدعس بني ادم
بيان بغيظ: طيب قول معلش على الاقل حسبي الله
واتحركت بدت تفتش ليها في مواصلات وللاسف م لقت انتظرت لحدي م لقت ليها ركشه ركبته واستودعت نفسها واتحركت على البيت
....................
اما هو اتحرك ببرود بعد ما كان ماشي يدوس على المراه م كان هامي غير يمشي يشوف العربيه الوصلت وصل وجهتته ونزل بكل برود وفخامه تقتل لقى المساعد الشخصي بتاعو والراجل الانجليزي منتظرنو
الراجل : سيد ريان مرحبا
ريان ببرود يقتل: هل السياره جاهزه ؟
الراجل باحترام وخوف من ريان منو الما بعرف ريان اي غلطه مكن يقتلو فيها
الراجل : اجل نعم
ريان هز راسه وطلع سجارتو ببرود وولعه وبقى يعاين للعربيه
ريان : زياد
زياد (الحارس الشخصي): نعم استاذ ريان
ريان: اختبر العربيه
زياد هز راسه وفعلا مشى ساق العربيه وبقى يدقق فيها بكل ما فيها بعد نص ساعه جاء ل ريان
زياد: استاذ ريان العربيه كويسه وكل مميزاتها ممتازه
ريان هز راسه ليه ببرود وطلع تلفونو ودفع مبلغ كبير
ريان ببرود: دفعت حق تزكره الطايره خاصتك
الراجل هز راسو بخوف وريان طلع وخلاه الراجل بعاين ليه بخوف ووراه زياد الفتح لي العربيه وقامو اتحركو
زياد : على وين استاذ ريان
ريان ببرود: وديني بيت ايان ده عامل نفسه م عايز يوريني انه جاء السودان كمان
زياد هز راسه واتحرك بالعربيه بكل برود
..................
بيان رجعت البيت بتعب وكان اذان العشاء اذن دخلت لقت امها منتظره فالحوش
حنان بخوف: بيان ي بتي وينك انتي قلقتيني عليك
بيان ببسمه: انا كويسه ي ماما بس كنت بفتش فالشغل وم انتبهت لي الوقت
حنان : طيب امشي غيري واستحمي لحدي م اغرف ليك الاكل
بيان: طيب لكن بنان جات
حنان: جات قبل ساعه كدا
بيان هزت راسها ودخلت غرفتهم لقت بنان قاعده بترتب ف المراتب الحياخدوها الحوش
بيان بمزاح : اوه الليله اتبرعتي ورتبتي المراتب
بنان بغمزه: عشان تعرفي انو لولاي حياتك حتكون كلها مشاق
بيان بضحك: خفي علينا
واتجهت نحو الدولاب واخدت ليها بجامه وكانت عايزه تتحرك
بنان : بيان
بيان قبلت عليها باستغراب
بنان بخوف من رده فعله لكن م بتعرف تخبي عنها شي
بنان: ايان جاء الكشك بتاع الشاي
بيان وشها قلب 180 وقلبها بدا يدق بسرعه ما حبا فيه بالكرهه
بيان : الجابو شنو الكشك ؟
بنان :كان بفتش فيكك
بيان بعصبيه : عايز مني شنو ودير يرجع لي حياتي لي
بنان سكت وهي شايفه حاله اختها الاتقلبت ندمت انها حكت ليها للحظه
بيان عاينت لي بنان وبعداك هدت روحه
بيان: خلاص بنان انا حاتصرف بموضوعه
بنان : حتعملي شنو؟
بيان : حاتصرف
وطلعت من الاوضه وتفكيره اتقلب من الشغل الى ايان حبيب قلبها الاول والراجل الوحيد الوثقت بيه بعد ما ابوها خلاهم ملت المويه حقتها وقعدت مسافه فالحمام وطلعت مشت صلت الصلوات الفاتته ودخلت لقت امها جهزت ليها حاجه تاكله اكلت وشربت مويته وطلعت هي بنان طلعو المراتب الحوش ورقدو التلاته بيان بقت تفكر في حياتها والحصل ورجوع ايان ده وبنان بقت تفكر في الحتعملو اختها مع ايان وحنان بقت تفكر انها تبدا بعد ده تفتش في عائله ابو بناتها ونامو كل زول بهمو
.....................
كان قاعد في الكنبه وشايل كوبايه شاي وبشرب وبحضر في الماتش فجاه الباب دقه
ايان وهو بقلب عيونو: ده منو القرر يجي دي
اتحرك بكل كسل نحو الباب فتح الباب
ريان ببرود: اووه اخوي التوام يجي السودان م يوريني
ايان بملل: حسستني سنين م شوفتني م كنت معاي قبل اسبوع
ريان : الرجعك شنو؟
ايان بكل برود : حاجه تخصني
ريان رفع حاجبه: حاجه تخصك تجي البلد دي رغم كرهك ليها وانو برستيجك العالي وحضره سيادتك لازم تسكن المدن الغنيا تجي لهنا تاني؟
ايان وهو بدخل وريان بوراه
ايان: ريان بطل النقه قولت جاي عشان حاجه تخصني وحطلع اصلا ده م بلد يقعدو فيها
ريان ضحك ضحكه شماته وقعد جنب اخوه وبقو يحضروو
استوووووب🤭💗
لوسمحتووو م تجوو تقولو لي اسم ريان اسم بت لا م اسمح ليييكم 🌞💔
وظهر بطلنا وحبيب القلب ريان 🤭💗 الحلقه الجايه بوصفو ليكم