رواية زوجاتي الثلاثه الفصل الثامن 8 بقلم جمانه السعيدي


رواية زوجاتي الثلاثه الفصل الثامن 8 بقلم جمانه السعيدي
 

@الجميع 

مصطفى.....بعد يومين  من تكرار كلامي على ميسون 
حسيت عدها موافقه 
بس  تستحي تحجي ويا اهلها   
لان هيه الي صممت على الطلاك     وخلتهم يجون عليه 
ويهددوني حتى اطلكها 

طلبت مني ابتعد عنها    حتى محد يحجي عليها 
وهم تاخذ وقت تفكر 
بس اني ماعندي صبر أريدها ترجع اليوم قبل باجر

قررت اني اروح واحجي ويا اخوانها  واقنعهم ترجع  
على ذمتي 

اخذت اخوي الجبير مرتضى    وأخذت رجال سيد من منطقتنا ورحت البيت اهلها 
من شافتني امها  فرحت ورحبت بيه حيل 
اخوها  الزغير استقبلنا استقبال حار   ودخلنا للبيت 
عبالك فرحانين بجييتنا
    
من كلامه وسلامه مبين ماشايل بكلبه عليه 
اتصل على اخوانه     الكبار  حتى يجون       علمودنا 
اجو اخوانه  ثنيبنهم 
بلبدايه حجينا مواضيع عامه 
بعدين اني فتحت موضوعي وياهم 
مصطفى...اني جاي ارجع ميسون     ومستعد الكل طلباتكم 

اخوها الجبير...اولا نسئلها واذا وافقت ترجع عدنا طلبات 
لازم تنفذها اذا رجعتها

مصطفى...اني مستعد الكل طلباتكم 
طلع اخوها الجبير اتصل عليها حتى تجي من بيت عمتها 
طبعا هما بنفس الشارع 
شويه واجت هيه   وزوج عمتها 
زوج عمتها جان ضايج من وجودنا 
بس اخوانها    كلش  مرتاحين  ويردون اختهم ترجعلي 

ميسون  من شافتني  تفاجئت 
باوعت عليه   بستغراب   واشرتلي ليش اجيت 
مو كتلك اني احجي  وياهم 
طبعا مو كلام كله اشاره 
حركت جف ايدها   عود ليش اجيت 
بعدين أشرت بلابهام على نفسها   عود اني احجي وياهم ويا حركت شفايف خفيفه 
طبعا هما ملتهين يحجون ومحد انتبه عليها 

غمزتلها وبتسمت 
ابتسمتلي ودنكت 
اخوها الجبير...  ميسون مصطفى  جاي يرجعج انتي موافقه 
ميسون.....بكيفكم 
اخوها...شنو بكيفنا   هاي حياتج وانتي اكثر وحده معاشرته وتعرفينه   ترجعين لو لا 
اذا ترجعين عندي شروط الهاي الرجعه 
ميسون....بكيفكم 
زوج عمتها...لا ماترجع هو ازوج وشاف حياته   ليش ترجع  خدامه الزوجته  مثلا 

مصطفى....ميسون راح يكون بيتها وحدها     مالها علاقه
بالهام 
اخوها....هااا ترجعين     
اخوها الزغير.....ارجعي خويه مصطفى   شاريج 
اخوها الجبير....اني اشهد  هو طلكج بلغصب  جان متمسك بيج  الاخر لحظه
زوج عمتها....هو باعها واشتر راحته  هيه هم تشوف مستقبلها  ليش ترجعله 
اخوها...هااا ميسون 
ام ميسون....اي ترجع    مصطفى  خوش ولد ما يتعوض 
عادي واذا ازوج       شرع الله 
مادام ترجع وحدها   ماكو مشكله 
اخوها الجبير...اريد اسمع منها 
ميسون....موافقه 
اخوها....مدام موافقه      راح   احجي شنو شروطنا 
اولا  مهر من جديد 
حاضر وغايب   
ثانيا....مصرفها وحياتها وحد مالها علاقه بزوجتك 
ثالثا.... سكن وحدها  
رابعا...   اذا رجعت زعلانه لو سمعت بس  انت مضوجها بشي 
اعتبر هاي اخر مره تشوفها بحياتك  فهمت لو لا 

مصطفى...موافق   يمتى  نعقد 
ميسون....اريد اسبوع اجهز نفسي 
مصطفى...هواي اسبوع يونين  كافي 
ميسون...لا اسبوع 
جمانه السعيدي 
مصطفى...ماطلعت اله واني قاري الفاتحه 

من قرينا الفاتحه  باوعت عليها وبتسمت 
بس زوج عمتها طلع زعلان   مايقبل ترجع  وياي 

مصطفى...قررت افاتح الهام بموضوع رجعت ميسون 
لازم تعرف   لان منا وهيج   راح تنقسم الايام واليالي بينهن 
ماريد ارجعها بلسر 
ميسون زوجتي قبل   الهام       
والهام لازم تقبل بلامر الواقع 
(( غير مبرء للذمه الي  ينسخ القصه ويمسح اسمي))

بيوم المشيه هاي الهام جانت بيت اهلها 
وماتعرف اي شي
بليل جابها ابوها للبيت  اني جنت بلمجمع 
من رجعت لكيتها بلبيت 
الهام...اليوم وين ماوين خلصت النهار 
مصطفى...اني جاي انزع ملابسي  واكف يم الكنتور 

رديت عليها بكل برود
اليوم رحت خطبت 
الهام.....بلا كلام زايد    احجي وين رحت اليوم
مصطفى......اني مااحجي كلام زايد    مثل ما كتلج 
اليوم رحت خطبت 
الهام...ما تسويها 
مصطفى...ليش مااسويها خايف منج مثلا 
الهام....لا   بس اني ما مقصره وياك بشي     وحامل  
بطفل الي جنت تنتظره  طول عمرك 
مصطفى...بس مو سعيد بحياتي وياج 
الهام.....شنو شنو لو امشي على هواك واصير خدامه  بهذا البيت 
لو تكول مو سعيد وياج 
مصطفى...هاي حقيقه 
بدلت ملابسي ورحت تمددت على الجربايه وتغطيت
الهام....شنو الحقيقه بلله   اني جنت متوقعه اذا اطلع حامل 
راح تشيلني وتفتر بيه 
حتى الماي تشربني بايدك 
تخاف عليه من الهوا  الطاير 
تالي خلصتها عليه قهر بقهر 
مصطفى.....ليش انت حامل بولي عهد النمسا 
لو   حامل  بلامام علي 
ليش محملتني منيه     صح اني اريد طفل 
بس بعد تصرفاتج وياي كرهت الاطفال كلهم 
واتمنى لو يرجع بيه الزمن        وابد مااعيش هيج تجربه 

الهام...هااا اني صرت موزينه 
وانت شمسويلي     حابسني بلبيت  تقطر عليه بلمصرف 
كلمه حلوه منك ماكووو 

مصطفى...تمام اني كلشي ما مسويلج   ومقصر وياج 
لا مسكنج بيت وحدج  ولا  اسوك  ولا انطي مصرف 
يكفي  اربعه نسوان بلشهر   
عايفج حسره عليج اللكمه 
انت شسويتلي      شنو الشي الي قدمتي اليه 
شنو فضلج عليه   اسمع حضرتج  يله غردي 

الهام.....يااا   مزين رضيت بيك رجال مطلك      
مصطفى...حقج    اني رجال مطلك  بس نسيتي اني خطبتج  واني مزوج ما مطلك 
ميسون جانت على ذمتي من خطبتج 
يعني بعدني ما مطلك    
ومن اول مره امي اجتكم للبيت  وافقتي انتي وامج 
حتى قبل لا  ابوج يعرف 
ليش وافقتي تزوحين رجال مزوج 
ياست الحسن والدلال     يلي الخطابه واكفين سرا على بابج 

ياا نغه   يااا زغيرونه      يلي عمرج ١٤ سنه   جمانه السعيدي 

الهام...تعريني لان قبلت بيك 
مصطفى...مو توج كلتي     موزين رضيت بيك 
ليش رضيتي بيه    انت تستاهلين    رئيس الوزراء يطلب ايدج   
تعرفين ليش رضيتي لان طماعه 
عيونج راحن على فلوسي 
لان باقيه محد بحالج ومحد.طلب ايدج  كلتي هذا خوش صيده      خل  اوافق    واعتبره بنك مركزي اصرف منه 

الهام...هيج تحجي عليه  كول بعد شضام    بكلبك  عليه 
احجي 
مصطفى...استغفر الله واتوب اليه 
خل يكون بعلمج     بعد اسبوع الزواجي 
مو جاي اخذ رائيج        لا بس من باب العلم بلشي 

الهام...تحجي صدك لو تشاقا 
مصطفى....تشوفيني بوضع شقه   الاسبوع الجاي ميسون ترجع على ذمتي 
الهام....غير اكلب الدنيا عليك وعليها
مصطفى...كلشي ماتكدرين تسوين 
اذا انتي عاقله   ابقي بيتج    ومراح ينقص عليج شي 

واذا تردين تتهورين   وطلبين الطلاك   الله وياج 
اني ماعندي اي سبب حتى اتمسك بيج 
غير هذا الطفل الي بطنج 

الهام....ولله احرمك منه وماخليك تشوف اضفره 
مصطفى.....لو ترحين الاخر العالم    يبقى ابني ومسجل على اسمي   ووين يروح  يكبر ويرجعلي 
خليج عاقله أقبلي بلامر الواقع 

الهام...مو الهام الي اجيب عليها مره 

مصطفى.....ههه ضحكتيني      انتي اجيتي عليها 
مو هيه اجت عليج 
ليش مافكرتي هيج ورفضتي هذا الزواج
لو حلال عليج وحرام عليها 

الهام.....اذا مااخليك تتندم على هذا القرار مااسمي الهام 

مصطفى....طلعت برا الغرفه واتصلت على ابوها  يجي ياخذها 

اني غطيت راسي    وغمضت عيوني 

شويه واجا ابوها واخوها   يهف 
اسمع ابوها يكول شكووو 
الهام...يريد يرجع ميسون عليه        يريد يرجع الحيه 
ماصدكت طلكها وخلصت منها    
قبل ماتريده وهسه صار حلو بعينها 

ابوها...يجذب عليج 
الهام...لا ما يجذب يحجي صدك    جمانه السعيدي 
ابوها....خلي يرجعها    ميسون عاجر ما تخلف
وانتي  ام الجهال ام البيت    خلي يرجعها وخليهاا خدامه 
طلعي روحها 
الهام....ولله ماابقى دقيقه هنا   اني اعرف شلون احرك كلبه
اذا مااخلي يتحسر على شوفة ابنه 
مااسمي الهام 
اذا مااركضه بلمحاكم   واخلي يتوسل  بيه 
اني  الهام     تجي ميسون   وتاخذه مني 

اني عرفته   من يوم رجعت للدوام لليوم وهو متغير  عليه 
يحجي عليه   ويروح ينام يم امه 
حتى الكنتور قفله خاف اخذ منه مصرف 

روح جيبلي سياره اخذ غراضي كلهن 
ومن باجر ارفع  علي قضيه 
ابوها...اصبري   ايجوز ما  يرجعها 

الهام.....لا  لازم اادبه    اذا مااركضه بلمحاكم 
اني راح اخلي يتوسل بس كون ارجعله 
شايف نفسه عليه     عليمن    قحط زلم       
بعدني زغيره وازوج واحد غيره 

مصطفى...ابوها طلع يجيب سياره 
وهيه جمعت   ملابسها      وأخذت كل   شغلاتها 
وذهبها       
  اخذت الاوتي والسشوار     والتيب لان   
ماخلت شي مااخذته 

اجا ابوها حمل غراضها   واخذها وراح 

مصطفى...ولله تتندم      على  هذا التهور  والاستعجال 
والغباء 
وكحه حتى ابوها مايكدر عليها 

انتظرونا     ......



تعليقات
×

للمزيد من الروايات زوروا قناتنا على تليجرام من هنا

زيارة القناة