رواية لانني فقيره الفصل الثامن 8 بقلم شوشو محمد
ذياد بقى يعاين ليه
ذياد: سالت منهم الجاره الجنبهم سناء قالت ده اسمهم بس العارفه امهم لكن بناتها الاتنين م عارفين انهم بنتمو لي عائله النور وم عارفين انو النور جدهم
ريان : لي؟
زياد : م عارف والله لكن العرفتو انو بيان دي بتكره ابوها
ريان سكت وبقى يفكر اما زياد عاين ليه
زياد: تتوقع ده مجرد تشابه اسماء؟
ريان: مستحيل دي شكلها بت عمي عماد الله يرحمو
ريان: اها تاني عرفت شنو
ريان: قرت الجامعه لمده سنه وطلعت منها نسبه لظروفهم الحالي وعندها اختها اسمها بنان عمرها 18 سنه وقفت المدرسه في تانيه ثانوي وكانو معتمدين على الدخل من الكشك حقهم بس
ريان : بس؟
زياد: السيد ايان قفل الكشك حقهم
ريان باستغراب: ايان؟
زياد: ايوا
ريان: ليه؟
زياد : م عرفت السبب وم عرفت دخلو شنو في حياه بيان لحدي اسي لكن العرفتو انهم خسرو مصدر رزقهم واسي م عندهم شغل يسترزقو فيه
ريان رجع ضهرو ف الكرسي وبقى يلعب فالقلم الفي يدو وبعاين لي زياد
ريان بغموض: اممم لازم اتاكد انو بيان دي بتكون بت عمي عماد ولازم اعرف ايان الدخلو شنو في حياه البت دي بالزات
ريان رفع راسو لي زياد
ريان: زياد حتعمل كالاتي حتتكلم مع بيان وحتقدم ليها الشغل كالاتي حتكون مساعدتي فالشركه بمبلغ ******
زياد باستغراب: لكنه م عندها الخبره انو تكون مساعده استاذ ريان
ريان: م حتكون السكرتيره حتكون مساعدتي يعني زي الكلب بتاعي اخليها تمشي معي كل حته وتعمل الانا عاوزو بكره حتتصل ليها وتقول ليها انو انت مساعد ريان النور وهو عاوز يعتزر منك عن اسلوبو اخر مره
زياد باحترام : حاضر استاذ ريان
ريان : يلا اطلع
فعلا زياد طلع وريان بقى يفكر فالموضوع شويه ورجع لي شغلو تاني
.....................
قاعد بعاين لي الاسواره الفي يدو وبقى سرحان فيها اتزكر لمن اداها لي بيان وعجبتها
**Flash back**
ايان جاء ببسمه لقاها قاعده بتقرا فالكافي ومنتظراه
ايان: بييون
بيان رفعت راسها والابتسامه شقت وشها
ايان: اتاخرت عليكي؟
بيان : لا لا انا زاتي يدوب وصلت وقولت اقرا لحدي م ترجع
ايان: فديت الشاطرييين
وقعد وبقى يعاين ليها وهي بتلم في الكتب
بيان: انت حتسافر بتين
ايان: م عارف لحدي اسي م قررت
بيان بحزن: حتطول
ايان ببسمه وهو شايفه حزنها: م حقدر اطول عشان قلبي وروحي هنا
بيان ابتسمت ليه بحب وايان طلع علبه صغيره من الجكت بتاعتو بيان عاينت ليه باستغراب
بيان: ده شنو ؟
ايان ختها فالطربيزه وابتسم ليها
ايان: افتحيها
بيان عاينت ليه باستغراب وفعلا فتحت العلبه لقت غويشه دهب مكتوب عليها اسمها
بيان بصدمه: ايان ده شنو؟
ايان ببسمه: ده غويشه حبيت اهديك ليها
بيان : بس دي غاليه
ايان وهو ببوس يدها: ماف شي يغلى عليكي بيون
بيان عاينت ليه ببسمه
بيان : الله يخليك لي ايان
ايان؛ ويخليكي ليي بيون
**Back**
دموع نزلت بدون م يحس حس بالخنقه حس انه هو محتاج ليها بس هو اهبل قاعد يخسر فيها زياده
مسح دموعو وبقى يعاين لي الغويشه
ايان : عمري م بكيت لزول الا بعد وفاه امي ي بيان سامحيني حبيبتي سامحيني اكتشتفت اني بحبك متاخر شديد
باب الغرفه خبط ايان قام خته الغويشه في الدرج وقفلو
ايان ببرود ظاهري : اتفضل
ريان جاء داخل ومعاه صحن فيه اكل
ريان ببرود : من الصباح م اكلت جبت ليك اكل
ايان ببسمه: مهما عملت نفسك م مهتم حتفضل حنين ي ريان
ريان ببسمه م بتظهر الا لي اخوه : ارح قوم اكل عملت ليك اكلك البتحبو
ايان ابتسم ليه وقعد دير ياكل لقى ريان شال عيشه دير ياكل
ايان : حتشاركني؟
ريان : عملت الاكل وم اكل في احلامك
ايان ضحك فيه وقعدو ياكلو بعداك ريان شال الصينيه عايز يطلع
ايان: ريان
ريان قبل عليه
ايان: الله يخليك لي ي اخوي وم يحرمني منك
ريان ابتسم ليه بحنان وطلع وايان بقى يراقب فالباب
ايان : ياريت العالم كله يشوف حنانك ي ريان يشوفك انك م قاسي بس الظروف خلتك قاسي
رقد فالسرير ونام على كدا
..............................
صحت بنص الليله بي كابوس قامت منو مخلوعه قبلت لقت امها واختها نايمين مسكت النوكيا بتاعه لقت الساعه اتنين صباحا قامت ببطط مشت المطبخ شربت ليها مويه وبعداك قعدت ف الكرسي وهي بتتزكر فالكابوس الكان عباره عن ابوها
بيان بتعب: لبتين حتبطل تظهر في حلمي انا م عاوزاك
: بيان
بيان رفعت راسها لقته امها
حنان بخوف: مالك ي بيون
حنان قعدت وبيان جات ختت راسها في حجرها ودموعه بتنزل
بيان : تاني الراجل الاسمو ابوي بدا يظهر ف احلامي
حنان :اخخ ي بتي
بيان ببكاء: هو ليه سابنا نحن سوينا ليه شنو عشان يخلينا يماما
حنان بزعل على بتها: ربنا يسامحو حبيبتي كلو لخير امكن مشيتو من حياتنا كانت لخير
بيان : كنت بتمنى يكون عندي اب زي كل الناس افتخر فيه لمن كانو بسالوني فالمدرسه وين ابوك م كنت بعرف اقول ليهم شنو هل اقول ليهم ابوي سابنا ومشى
حنان ببكاء على بتها: خلاص ي بتي م تقطعي قلبي عليكي كدا
بيان رفعت راسها ودموعه نزلت : انا تعبت ي ماما تعبت والله
حنان: نهايه الصبر فرج ي بتي لازم نتحلى بالصبر عشان يجينا الفرج
بيان ختت راسها تاني وحنان بقت تلعب في شعرها لحدي م حست ب بيان نامت
حنان : اسفه ي بيان لازم جدك يعرف بوجودكم بعد ده عارفاك حتزعلي مني في ده وم عايزه زول من اهل ابوك بس لازم ي بيان
حنان قامت براحه وختت المسند ف راس بيان وجابت ملايه غطته بيها وطلعت لقت بنان نايمه بطريقه مضحك غطته زي الناس وقعدت تستغفر ربها لحدي م الفجر اذن قامت صحت بنان اول بعد عزاب حته بنان صحت وبعداك مشت لي بيان وقامت اتوضت وصلو جماعه وكل واحده فيهم مسكت مصحفه بدت تقرا فيه
بيان خلصت القران وقبلت على امها انتظرته لحدي م خلصت
بيان : امي عاوزه اقول ليك حاجه لكن م تزعلي نفسك طيب حاتصرف
حنان: قولي ي بتي
بيان : الكشك اتقفل
حنان بصدمه: كيف يعني
بنان بكرهه ل ايان: في كلب جاء قفلو عشان عايز يبني فيه
بيان عاينت ليها نظام اسكتي وبنان سكت
حنان: طيب حتعملي شنو ي بتي
بيان : حافتش عن شغل الليله حطلع بعد شويه
حنان بزعل: الله يسهل طريقك ي بتي الله ينتقم من العمل الحاجه دي
بنان : امييين( بنان عسسسل🤣🤣🤣)
بيان ضحكت في اختها وقامت عاوزه تجهز وحنان دخلت المطبخ م لقت حته عيشه تحشيها لي بيان زعلت شديد اطرت تعمل ليها كوبايه شاي بلبن وختتو
بيان جات طالعه بعد لبست ولقت كوبايه الشاي بلبن
حنان بحزن: اعفي لي ي بتي امبارح العيش خلص
بيان وهي بتبوس في يدها :م مشكله ي ست الكل الشاي ده بكفيني ان شاء الله
حنان عاينت ليها بحزن بيان بقت تشرب في الشاي ودعت امها واتحركت م عارفه تمشي وين بس العارفه لازم تلقى شغل باسرع وقت ممكن
.......................
صحا من النوم دخل استحمى لبس هدوم كاجول كالعاده نزل لقى اخوه قاعد بشرب قهوتو وشغال بالتلفون
ايان: صباح الخير
ريان ببرود كعادتو: صباح النور
ايان عاين لي لبس ريان لقه م لابس بدله كعادتو
ايان باستغراب: غريبه الليله م لابس بدله
ريان: م ماشي الشركه ماشي اشوف جدي طولت منو
ايان : تصدق نسيت جدي زاتو حجيكم بعدين كان كدا
ريان. تمام
ايان مشى المطبخ عمل قهوتو وجاء قعد جنب ريان وريان حلص قهوتو وقام طلع
.......................
بيان بدت تفتش فالشغل بتاعها للاسف م لقت وبقت تفتش لحدي م تعبت من الجوع قعدت ارتاحه شويه عشان جسمه بدا يرجف من الجوع فجاه جاها تلفون من رقم غريب عاينت ليه باستغراب يعني منو العندو رقمه غير اختها ردت التلفون
بيان بهدو : الو
زياد: السلام عليكم معاي بيان عماد؟
بيان بزهج من اسم ابوها: وعليكم ايوا اتفضل
زياد: معاكي زياد البودغارد بتاع ريان النور
بيان راسها وقف في ريان النور دي واتزكرت اسم ايان النور معقوله ايان النور عندو اخو
بيان: اتفضل
زياد: شايفك ليك فتره بتفتشي في شغل ف عندي ليك شغل بمبلغ عالي حيعجبك رايك شنو ؟
بيان : شغل؟ نوع الشغل شنو؟
زياد: حتكوني المساعده الشخصيه بتاعه ريان النور
بيان : كييف ؟ معلش مكن اسالك سوال هو ريان النور اخو ايان النور
زياد بهدو: ايوا توامو
بيان اتزكرت اللقاء البينها وبين ريان لمن قال ليها توام
بيان: دقيقه انت الحارس الشخصي لمن جيت البيت امبارح
زياد : ايوا وقابلتي استاذ ريان
بيان حست براسها بلف من التعقيد الهي فيه
زياد: استاذ ريان حابي يعتزر لي حضرتك بانو يديك شغل بمبلغ عالي عن الاحراج العملو ليكي المره الفاتت الرجاء فكري بالموضوع لحدي نهايه اليوم ووريني رايك عشان اكلمو وبكره تبدي يومك بعد اذنك
وتيت قفل الخط بيان بقت تعاين بصدمه للتلفون يعني هي المره القاتت ما قابلت ايان لا قابلت اخوه التوام بقت تعاين فالتلفون بقت تفكر هل تقبل عرض الشغل ولا م تعتقد انه مكن يغشها لانو صاحب اكبر شركات فالعالم
بيان بتعب : يارب الفيه خير اكتبو لي يارب
استووووب🤭💗
فصل طويل زي م طلبتو اخيرا بيان اكتشفت انو ايان عندو توام
تتوقعو لي ريان قرر يشغل بيان عندو؟...