قصة جميلتي المجنونة
البارت الاول 1
بقلم آلاء اسماعيل
- الو ازيك يا منار
منار بحب - الحمد لله انتو اخباركم ايه يا ورد ؟
- الحمد لله يا حبيبتي بقولك ....ممكن اكلم خالتي فوزية؟
- اه طبعا .... مامااا !! خذي ورد بنت خالتي عايزة تكلمك
- الوو ايوة يا خالتي .. ماما بتسلم عليكي وبتقولك أبقي عدي بكرة انتي و البنات عشان قراية فاتحة انس على فريال بنت عمي... عقبال منال يا خالتي
فوزية :يا رب يا ورد ألف مبروك و عقبالك انتي كمان ... . حاضر هنجي ان شاء الله
قفلت المكالمة و ادتها التلفون
منار بتعجب : بتباركيلها على ايه يا ماما ؟! هو فيه ايه ؟
فوزية بتردد : دي ..دي...
منار بتعجب : دي ايه يا ماما ؟؟
فوزية بخوف: بكرة خطوبة أنس
منار بلهفة - أنس !! يعني أخييييرا هيطلب ايدي !!
اطرقت فوزية راسها بحزن : لا يا بنتي هيخطبوله بنت عمه
منار بصدمة- ب ...بنت عمووو... ...ا ...زاااااااي !! طب ...و انا !!!!
فوزية بحزن : معلش يا بنتي كل شيء قسمة و نصيب و انتي نصيبك مش مع أنس
منار بإنهيار - انتي بتقولي ايه يا ماما ؟؟؟ انا و انس لبعض من زمان أوي و هو وعدني بكدة !!!
فوزية بإشفاق على حال ابنتها- يا بنتي ده زمان لما كنتو صغيرين دلوقت الزمن إتغير و أكيد قلبه إتغير
منار بإنهيار - يتغير ازاي !!! ده حب سنين يا ماما !! ده احنا اول امبارح بس كنا بنتكلم أنا و هو !! ماقاليش ليه أنه هيخطب بنت عمه؟؟؟يعني كان بيتسلى بيا طول المدة دي يا ماماااااا !!
ركضت الى غرفتها و أمسكت هاتفها و هي ترتعش بالكامل
- أنس ...ارجوك قل لي ان الكلام اللي سمعته ده مش صحيح
أنس ببلاهة - كلام ايه مش واخذ بالي 🙄
منار بحدة: بجد هتقرا فاتحتك على وحدة غيري يا أنس ؟؟!
ارجوك قل لي ان الكلام ده مش صح ...قل لي انهم بيهزروا
أنس ببرود : لا الكلام اللي سمعتيه صح يا منار .. انا هاتجوز فريال بنت عمي .
- طب و انا يا أنس ؟؟ و ذكرياتنا سوا ؟! ده انا رفضت عرسان بالكوم عشانك !!
- بصي يا منار ... انتي بقالك سنين شايفة نفسك عليا اكمنك حلوة و مطلوبة خصوصا بعد ما دخلتي الجامعة و كلها كام سنة و هتبقي دكتورة ...بقيت كل ما اقرب منك تبعدي عني محسساني اني انسان مقرف ...او حش"رة مش بني آدم اصلا ... انا كمان عايز احس اني مرغوب و انتي عمرك ما حسستيني بكدة ...على عكس فريال .
- ايه اللي انت بتقوله ده يا انس؟! انا قلتلك اللي انت عايزه هتاخذه يبقى تاخذه بالحلال...و مش معنى اني بحبك هأبقى وحدة سهلة ! يعني عايزني اكون رخي"صة و اسلملك نفسي عشان تصدق اني بحبك !!
- بصي يا بنت الناس خلاصة الكلام .. انا من مدة و انا حاسس انك بتبعدي عني فأنا مش هأستنى لحد ما ترفضيني زي اللي قبلي ... انتي ما لاحظتيش ان كل مواضيعنا بقت خناق آخر فترة ؟؟
منار ببكاء - انا ما بعدتش عنك ... انا بس قلتلك بلاش نتقابل كثير عشان انت بقيت بتضايقني بطلباتك يا أنس؟؟ كل ما بنلتقي بنتخانق بسبب الحركات السا"فلة اللي بتعملها معاي عشان كدة قررت نخفف من المقابلات لحد ما نكتب كتابنا و بكدة ميكونش بيننا مشاكل ... انا كنت عايزة أحس انك بتحبني لشخصي مش بتحب ج"سمي و بس !
- اهو انا وفرت عليك المشاكل دي ... هترتاحي مني و من طلباتي السا'فلة يا منار ...
قفل في وشها و سابها في صدمتها للحظات و فجأة صرخت بأعلى صوتها فدخلت والدتها مسرعة حين سمعتها
وقعت أرضا و بدأت تلطم : يعني سابني بس عشان مش رخ"يصة زي بنت عمه ؟؟! عايزني اسلمله نفسي عشان اثبتله اني بحبه يا مامااا !!! ليييه !!! ده لو لف الدنيا كلها مش هيلاقي وحدة تحبه ربع الحب اللي أنا حبتهوله يا ماماااااا
فوزية بخوف : أهدي يا بنتي ... ارجوكي ما تعمليش ف نفسك كدة ! انتي الف واحد يتمناكي حلوة و ما عدتيش عشرين سنة حتى .... بكرة هتتجوزي سيده
منار بصراخ هستيري - انااااا مش عااااايزة ألف واحد يا ماما انا مش عايزة غير أنس !! لااااا مستحيييييل أنس يسيبني و يتجوز غييييري !!
بدأت تضحك بهستيرية : لا هوما أكيد بيهزروا و هيتصلوا بعد شوية يقولولك انهم جايين عندنا و ان كل ده مزحة منه
مش كدة يا مامااااااا
صرخت الى أن إختفى صوتها و اغمي عليها
فوزية بخوف : يا لهوي البنت هتروح مني !!!
مسكت هاتف منار و اتصلت بخالد إبنها
- خااااالد الحقني يا ابني اختك وقعت و مش عارفة اعملها ايه أتصل بالإسعاف حااااالا !!!
في لحظات وصلت الاسعاف و اخذوها الى المستشفى لتلقي الاسعافات
هدأت قليلا بعد أن اعطاها الطبيب حقنة مهدئة و عادوا الى المنزل و من حينها لم يسمع صوتها أبدا
لا تتكلم ولا تأكل و لا تشرب شيئا تجلس في مكانها متسمرة مثل صنم تنظر الى اللاشيء
مرت ثلاث أيام و تمت خطبة أنس على ابنة عمه
في اليوم الرابع كانت تجلس كعادتها لا تسمع احدا و ترفض الاكل
قلقت والدتها على حالها كثيرا
وضعت الرغيف و الصحن و خرجت الى الصالة
- ما تشوف حل لبنتك يا حج
رجب : عايزاني اعملها ايه يعني أأكلها بالعافية ؟؟
- اومال نسيبها تموت أحسن ؟؟!
مها بحزن : كله من الوا'طي ابن أختك يا ماما .. معشمها بالجواز و آخرتها طلع نذ'ل معندوش ذرة رجولة
خالد بغضب : انا من زمان مش طايقه ياما قلتلها أنه وا'طي و عينه زايغة و مش سالك هي اللي مكانتش شايفة غير اللي عايزة تشوفه ...و ادي النتيجة
فوزية : يا ابني الجواز قسمة و نصيب .. لو كان نصيبها مع أنس محدش هيقدر يفرق ما بينهم
اول ما سمعت اسم انس من برة وقفت منار و شدت ملابسها مزقتها و خرجت مسرعة و في لمح البصر فتحت باب الشقة لتخرج
فوزية برعب : الحق اختك يا خااالد !!
خالد مسرعا : يا نهار اسود هتعمل ايه بنت المجنونة دي !!
امسكها كل من والدها و اخيها و ربطاها بعدها سترتها والدتها و اختها و اخذوها على مستشفى الامراض النفسية
الدكتور : الآنسة عندها انهيار عصبي شديد مضطرين نمسكها في المستشفى مدة
منار بنت بتدرس في سنة ثانية جامعة تخصص طب حلوة عينيها خضرا بلون الزرع و شعرها اشقر طويل بيضة و جسمها مليان كلها انوثة ...بس من لما دخلت المستشفى و هي اتغيرت جدا
خست من وزنها اكثر من عشرة كيلو في ظرف أقل من شهر
لا بتاكل و لا بتشرب عايشة على طول على المهدئات بسبب نوبات الصراخ الهستيرية اللي بقت ملازماها طول الوقت و طبعا علقت دراستها بسبب الظروف اللي حصلت معاها .
مبقتش قادرة تسيطر على نفسها و اعصابها حتى إنها بقت تعملهم في هدومها
الممرضات بيعاملوها اسوأ معاملة و بيقرفوا يقربوا منها لما تعمل كدة .. و اتعرضت لظلم كبير اوي خلاها بقت مجنونة رسمي
ابوها بقى بيصرف اكثر من نص مرتبه على علاجها و الحفاظات و حساب المستشفى
بعد علاج لمدة سنة في المستشفى قدرت منار تتغلب على انفعالاتها تدريجيا و تبقى أحسن من الاول بس خست 35 كيلو من وزنها و بقت زي الخيال
الدكتور شاف إنها إستعادت صحتها و تقدر تطلع و بالفعل خرجت من المستشفى و رجعت لبيتهم بس نوبات الصرع لسة ملازماها كل ما حد جاب سيرة أنس قدامها بالغلط و ما تقدرش تكمل دراستها بسبب ان وضعها النفسي مش مستقر 100%
رغم ان وضعها الصحي إتحسن لكن المجتمع ما بيرحمش
الناس كلها بقت بتتكلم في الحارة
كل اللي يشوفها يقول المجنونة اهي ..
و منهم اللي يقول انها غلطت مع ابن خالتها عشان كدة اتجننت و حاولت تنت"حر لما لقته إتجوز ...و منهم اللي يقول لا هي فقدت شر'فها في مستشفى المجانين و ... و ...و
بعد اللي حصل معاها الوحيدة اللي ما اتخلتش عنها هي أمها انس طبعا إتجوز لا همه حتى و عاش حياته بشكل طبيعي
اهل منار عايشين في عمارة متوسطة الحال
واحد من جيرانهم اسمه فريد كان بيحب منار من زمان ...و طلب ايدها كثير بس هي رفضت بسبب حبها لأنس و لإنها كانت مستنياه يخلص جامعة و يتقدملها او ده اللي متهيئلها.
فريد شاب وسيم و طيب و مخلص جامعة هندسة بس مشكلته أنه خجول اوي و مكانش يقدر ياخذ اي خطوة أو يتكلم معاها و يعترفلها بحبه و السبب انها مكانتش بتدي فرصة لحد و مخلصة في علاقتها مع أنس لأبعد الحدود
بعد ما اشتغل و ربنا اكرمه اشترى فريد فيلا صغيرة في مكان احسن و اخذ أهله يعيشوا معاه بعد ما باعوا البيت و عزلوا من الحارة .
رغم كدة كان دايما بيسأل عن منار و بيعرف اخبارها اول باول
في مرة خرجت والدة منار عشان تشتري حاجات للبيت و اخذت منار معاها عشان تغير جو و ترجع تحتك بالناس من تاني و كانت دي اول مرة تخرج من اربع اشهر .
كانت بتمشي مرعوبة و ماسكة في هدوم أمها و بتبص للناس بطريقة غريبة لحد ما خلصت امها الشوبينج
و هوما طالعين من المول شافت أنس من بعيد ماسك أكياس
بس أول ما شافهم غيّر طريقه
أول ما شافته منار جاتها نوبة و وقعت عالأرض و هي بتصرخ
أنس جري بعيد عنهم زي الجبان و إستعر منها ولا كإنه يعرفها
أمها ما عرفتش تتصرف بقت بتصرخ وسط الناس
فوزية : الحقوووني يا ناااس حد يشيلها معايا ربنا يستر عرضكم !!
في اللحظة دي كان فريد معدي و شافهم جري ناحيتهم
- ارجوك يا ابني تشيلها معاي و توقفلي تاكسي ارجعها عالبيت
- خير يا خالتي ؟؟ هي مالها !؟؟
فوزية بإنهيار : شافت ابن خالتها النذ'ل قامت وقعت زي ما انت شايف كدة 😭
- ما تقلقيش يا خالتي فوزية انا معاكي
وقف تاكسي و شالها حطها و وصلهم عالبيت و حاسبه بعدين طلعها لشقتهم
كانت زي الملاك بشعرها الحرير الذهبي بس وشها ذبلان و خاسس كثير دي اول مرة يشوفها كدة
نزل و الدمعة في عينيه على حالها و قرر أنه يجي يزورهم كل شوية و يفضل يتطمن عليها و لو من بعيد....