رواية ملك الفصل الخامس 5 بقلم غاده نبيل
يوسف: حبيبتى كنت عاوز احد رأيك في حاجه كده بفكر اعملها
ملك: خير يا حبيبي
يوسف: أنا عاوز اعمل مشروع كده ويبقي شغل اضافي جمب شغلى
ملك متافاجئة: بتهزر يا يوسف صح
يوسف : لا طبعا بتكلم جد ياحبيبتى وفيها ايه عاوز اقرب المسافات اكتر
ملك في ضيق: يوسف انا جميك مش هبعد لكن متقنعنيش ان بعد تعب طول النهار في شغلك في البنك ترجع تروح شغل اضافي احنا مش في حاجه لكل ده دلوقتى انت كده بتضغط على نفسك وبتحملها فوق طاقتها يا يوسف
يوسف : كله يهون علشانك انتى وامى يا ملك و علشان تكونى جمبي انا مش عاوزكم تكون و محتاجين اى حاجه
ملك: بس انت مرتبك الحمدلله كويس ومش مخلينا محتاجين حاجه انا وماما محتاجينلك يا يوسف بلاش تيجي على نفسك
يوسف : ملك ريحينى معلش المرادى انا واخد القرار كل الى طالبه منك تشاركينى اختيار المشروع وتقفي جمب جوزك حبيبك الى هيبقي ان شاء الله قريب اوى
ملك: علشان كده بخاف عليك والله وهتتعب اوى انا متأكده
يوسف : مش انتى معايا وبتدعيلي يبقي خلاص مش هتعب ولو بتعب فبتعب علشانك دى راحتى ياملك
ملك: مافيش فايده فيك مش هتتراجع عن الى في دماغك
يوسف : لا انا شايف ان ده في مصلحتنا ..قولي لي بقي انا مختار بين كذا حاجه بفكر في مشروع اكسسوارات البنات ..الحاجات التافهه دى الى مضيعيين كل فلوسنا عليها دى ولا ملابس شبابي
ملك: مش محتاج تحتار ولا تفكر طبعا ملابس شبابي
يوسف : كنت متأكد ان ده هيكون اختيارك وطبعا علشان البنات مش كده
ملك: أيووووه طبعا عندك اعتراض
يوسف : لا طبعا ..تمام يبقي نتوكل على الله ممكن تدعيلي بقي
ملك: حاضر يا حبيبي بس ممكن متتعبش نفسك بزياده
يوسف : حاضر ياحبيبتى ..من بكره ان شاء الله هظبط كل حاجه ربنا يخليكى ليا ياحبيبتى ويقدرنى واسعدك ..معلش هقفل دلوقتى ياحبيبتى لان عندى شويه شغل هخلصه وأروح
ملك: اوك يا حبيبي
اغلق يوسف الهاتف وعاد لمكتبه وحاسوبه وفي غضون دقائق رن هاتفه ليجد صديقه علاء ..
يوسف : علاء يابن اللذين فينك من فتره واحشنى ياض
علاء: موجود والله يا صاحبي بس الشغل واحد كل وقتى والله واحشنى يابنى عاوز اشوفك
يوسف : مافيش مشكله يبقي اشوفك بكره ان شاء الله واهو اجازه ليا وليك
علاء: تمام هسيبك تكمل واخلص انا كمان هبقي اكلمك سلام
انتهى يوم يوسف الرتيب وعاد لبيته ..
ام يوسف : حمد لله على سلامتك يا حبيبي
يوسف وهو يضع قبله على جبين والدته : الله يسلمك يا امى
ام يوسف : مالك يا ابنى شكلك تعبان بتهلك نفسك في الشغل يا حبيبي
يوسف : اه والله يا امى تعبان اوى بس الحمدلله ..ادعيلي انتى بس مش طول عمرك عاوزانى اتجوز وتفرحى بيا وتشيلي عيالى خلاص هانت
ام يوسف : منى عينى يابنى والله افرح بيك ..ربنا يكرمك يابنى ويرزققك ببنت الحلال الى تصون قلبك يارب
يوسف وهو يضع قبله على جبين والدته: ربنا مايحرمنى منك ولا من دعواتك ياست الكل
ام يوسف : هقوم احضرلك العشا يا حبيبي حالا تاكل وترتاح
يوسف : لالا يا امى اتغديت الحمدلله انا بس عاوز اشرب شاى من ايدك الحلوه دى بعد اذنك
ام يوسف : عنيا يا حبيبي
يوسف : تسلميلي يا امى انا هدخل اغير هدومى عن اذنك
توجه يوسف لغرفته ليبدل ملابسه وبعد دقايق امسك بهاتفه واتصل ب ملك..
ملك: كنت حاسه انك هتكلمنى دلوقتى
يوسف : مممم ديما قلبك حاسس كده ولا شكلك بتشتغلينى يابت انتى
ملك: يسلام شكلك انت الى نسيت ان قلبي ديما بيحس بيك وديما بيكون معاك منين ماتروح يا استاذ ..ما علينا المهم طمنى هتعمل ايه.....